طريق الإستقلال (مصر2020)

أنا بصراحة مش عايز أتبرع لمصر
انا مستعد أشارك والمصريين في شراء ديون مصر الخارجية
مع تقديم كافة الضمانات الحكومية بعدم تكرار التداين الخارجي إلا بأشد الإجراءات الديمقراطية صرامة ووضوح وشفافية
وكمان تكون خطوة سداد الدين الخارجي خطوة أولي للتخلص من الدين الداخلي وجدولته بواقعية
انا مش عايز ااكل مصر سمكة
انا عايزها تتعلم الصيد
الآن نصيب الفرد من الديون الخارجية يساوي
512.22 دولار
يعني كل فرد مديون خارجيا بحوالي 4010.7 جنيه بسعر الصرف الرسمي للدولار 7.83
انا مستعد أدفع المبلغ ده نقدا أو بالتقسيط لي ولكل أفراد اسرتي
لو تعهدت الحكومة بسداد كامل الديون الخارجية فورا
وعدم الاقتراض الخارجي إلا بشروط ديمقراطية شفافة ونزيهة وصارمة
وجدولة الدين الداخلي
وكمان ممكن نقود حملة للتبرع لصالح الغلابة اللي ميقدروش يدفعوا حصتهم من الدين
وبيتهيألي المبلغ ده من غير ضغط علي اقتصادنا
ممكن نخلصه في 3 سنين
لانه كله علي بعضه
46.1 مليار دولار
من وسط المليارات الكثير اللي بندفعها
ما هو مستقبل مصر عام 2020 ؟
مصر 2020 ممهدة لمصر 2030, ولا يمكن تصور مصر 2030 دون المضي قدما لاتمام اهداف مصر 2020....
أتمني أن تكون مصر 2020 مستقلة أقتصاديا
وأولي ملامح هذا الاستقلال هو سداد كامل المديونية الخارجية والبالغة 46.1 مليار دولار
اتوقع ان اتمام هذا الهدف يتطلب تأسيس بنك مستقل لتجميع الدين واستثماره
واعتقد انه سيكون مستقل عن البنك المركزي
لانه سيكون تحت رقابة شعبية كاملة
وقيادته منتخبة
وقراراته مستقله
والحكومة ذاتها مستثمر يطالب هذا البنك بقروض بديلا عن البنك الدولي
واتوقع ان تصل استثمارت المصريين فيه لدرجة قدرته علي تصير الدين لدول أفريقية وعربية وحتي متوسطيه....
وبالتالي نقل مصر من مرحلة إلي مرحلة....
هذا أحد تصوراتي عن مصر 2020
وعيناي تتطلع لمصر 2030
ماذا عنك وعن أحلامك في وطنك ؟
الموحد