أكتشف نفسك - شتاء الإسكندرية
لو عرفت إن كل شئ حولك مهما كان صغير, في شخص بيقضي عمره
كله بيعمله, ويمكن مش بيعمل غيره....
يعني مثلا وانت ماشي علي نجيلة...
عمرك تصورت إن
في شخص شغلته تتلخص في أنه يزرعها, ويعتني بيها علشانك وعلشان ناس كتير غيرك مجرد
انهم يمشوا عليها....
النهاردة شوفت واحد من دول بيصلح اللي أتلفته الأقدام من
الليلة الماضية, ينفض عن النبتات الصغيرة التراب, ويساعدها في الوقوف من جديدة,
ويرويها بالمياه, وتتللأ من جديد في ثواني....
كأن الإنسان بيفرش الأرض بسجاد بيولجي عالي الجودة, ويا تري الهدهد اللي واقف
جنبه ده بيساعده ولا بيتهيألي؟!!!
يا تري أنت بتعمل إيه بيساعد البشر حتي لو
بالشكل البسيط ده .....
يمكن يكون تصوري غلط, بس متوقع -ولو بمجرد الصورة
الذهنية- إن أنظف مكان ممكن تعيش فيه عيكون في فرنسا....
فجأة أستشعرت إني عايش في فرنسا وأنا نازل من بيتي.....
المكان مفيهوش ولا ورقة علي الأرض....
ولا كومة تراب ....
ولا أثار لأي حجر....
الأشجار أتغسلت
تماما بعد الفترة الغريبة اللي مرينا بيها.....
واللون الأخضر مشبع تماما, والشمس دافئة....
هو أيه الخيال اللي أنا عايش فيه ده ....
المشكله أنه حقيقي ....
والمشكله الأكبر إني مش مصدق الحقيقة ديه...
المهم....
خرجت علي البحر لقيت طيور النورس بتلعب لعب قبيح مع
بعض...
طبعا, كلنا نتمني موسم صيد جيد لكل النوارس ;)
عبرنا الكوبري وتوجهنا للظهير الزراعي للإسكندرية....
حيث الشبورة والخضرة والندي....
والجو اللي إحنا بنسميه نهار شتوي مشمس....
هارش ؟!!!!
حاليا الشمس بتدفع سحابة محملة بالأمطار غربا, معلنة
نهاية الليل وبداية الفترة الصباحية....
طبعا المعركة ديه فيها تساقط خفيف جدا للأمطار....
بس السؤال...
يا تري مين اللي عيكسب المعركة ديه؟!!!
في رأيي النهاردة الشمس اللي عتكسب....
برده في زوج من طيور أبو قردان بيمارسوا الحب
فوق منطقة زراعية....
إيه يا جدعان هي الطيور المهاجرة كانت بتعمل
كدة زمان, ولا علشان كنا صغيرين مش فاكرين ؟!!!
عموما نتمني موسم زراعي كويس لأبو قردان ;)
تعليقات