مواطن مصري -2
بسم الله الرحمن الرحيم
اتمني انك تكون فكرت في كلام امبارح كويس ، واتمني اننا نكون جاهزين للمرحلة الثانية...مش عنكون جاهزين غير لما نكون متفقين....
السؤال اللي كان نفسي اناقشه معاك امبارح وقولت انه احسن نخليه النهاردة.... فاكر ؟!
يا تري ليه الحكام العرب مش بيحبوا المعارضة، بينما ان الغرب بيتعاملوا مع المعارضة بشكل "ديمقراطي" ؟
عنتكلم عن جنون السلطة وحب الدنيا والكلام ده ؟
سامحني....
من وجهة نظري ان المعارضة في وطننا العربي خالية تماما من المنفعة اللي اي حاكم يتمناها في معارضة وطنية ...
هو في مواصفات للمعارضة النافعة ؟..... طبعا
هو في حاكم يتمني يكون ليه معارضة أصلا ؟..... طبعا
اولا المنفعة اللي بتعود علي الدولة بشكل عام من وجود معارضة هي وجود البدائل الوطنية القادرة علي تولي زمام الامور....
ثانيا وجود وجهات نظر متباينة يعني حلول متنوعة وبرامج اكثر شمولية....
المشكلة ان المعارضة في المنطقة العربية لسة عايشة في زمن غير الزمن....
لسة عايشة في زمن الحاكم....
زمن الحكم بالرأي ووجهة النظر...
طبعا امكانات الدولة غير كدة اصلا...
حكم الالة اقل ما يصف غرفة دعم اتخاذ القرار....
يعني الموضوع مفيهوش رأي ولا وجهة نظر....
حتي الرأي العام وطموح المواطن يمكن قياسة وتحديد اهميته النسبية....
وفكرة اننا نعمل اللي الناس عايزاه ونجرب في الواقع مبقتش موجودة.....
يبقي الفيصل بين المعارضة الوطنية اللي تعمل صف تاني وتالت من الدولة المصرية، والمعارضة الناقضة للوطنية ذاتها....
هي الامكانات في المقام الاول....
في المقام التاني الشعب نفسه....
طبعا المعلومات اللي عند المواطن عن الحكم والادارة مشوه بنسبة تتخطي 90 بالمائة....
حتي انهم غالبا ما يعرفوش المهام اليومية لمدير حي....
وجل المشكلة السياسية للمواطن هي مشكلات محلية اصلا....
وده نتيجة لغياب المواطن عن المشاركة السياسية والانتماء السياسي...
ويمكن يكون ضعف امكانات المعارضة نتيجة لغياب المشاركة الاجتماعية في الاساس
يعني لو توفرت ثقافة الانتماء السياسي في الشعب المصري، عيكون عندنا قدرة علي صناعة نماذج عدة من منظومة دعم اتخاذ القرار...
وبالتالي تمتلك المعارضة ما تقدمه في مسيرة الامة....
حتي لو كانت كدرع للدولة
يعني عايز تقول ان الدولة مش معترضة اصلا علي وجود معارضة ؟
اكيد
وكمان ممكن تشجع المعارضة وتساعدها في بناء انظمتها ؟
طبعا
ده ليه ان شاء الله ؟!
علشان الصراع مش عيكون مين يحكم لو كلنا كمصريين واعيين لصفنا الواحد
علشان الصراع مش عيكون مين يحكم لو الشعب كله مشترك في القرار
الصراع دائما وأبدا اننا نفضل صف واحد
#الموحد
تعليقات